Κακῶν θάλασσα, id est Mare malorum, dici solitum de calamitatibus immensis et omnigenis ; inde sumptum, quod mare res quaedam est infinita vel quod infinitis aerumnis abundant qui in eo versantur. Euripides in Hippolyto Stephanophoro :
id estΚακῶν δ᾿ ὁ τάλας πέλαγος εἰσορῶ
Τοσοῦτον, ὥστε μήποτ᾿ ἐκνεῦσαι πάλιν,
Aeschylus in Supplicibus :Tantum malorum pelagus aspicio miser,
Unde enatandi nulla spes alluceat.
Plautus in Asinaria meretricem et lenam mare vocat tanquam omnium auctores calamitatum,
Mare, inquit, non est mare : vos estis mare acerrimum.
id estΚακῶν δε πλῆθος ποταμὸς ὣς ἐπέρχεται·
Ἄτης δ᾿ ἄβυσσον πέλαγος οὐ μάλ᾿ εὔπορον,
Quin et sacrae literae vim inexhaustam rei cujuspiam significantes abyssum appellant. Itidem divus Chrysostomus Περὶ τῆς ἱερωσύνης lib. VI. Θέα, inquit, τὴν ἄβυσσον τῶν πόνων : Vide, inquit, laborum immensum pelagus.Agmen malorum fluminis ritu ingruit,
Velutique pelagus altum, ita ut fundo vacet
Nec sine periclo navigetur maximo.