Ὁ φεύγων μύλον ἄλφιτα φεύγει, id est Qui fugit molam, fugit farinam, aut
Nam omisso articulo videtur hemistichium carminis heroici. Qui refugit industriam, non fruetur emolumentis. Sunt qui molarum stridoribus offenduntur, cum sine molis non liceat vivere. Sic quidam uxorum mores ferre non possunt, cum optent liberos. Dicunt et hodie vulgo : Qui quaerit ova, gallinarum cacalismum (ut vulgo vocant, Latini glocire dicunt) ferat oportet. Finitimum illi : Οὔτε μέλι οὔτε μέλιτται, id est Neque mel neque apes.Devitat quicumque molam, fugit ille farinam.