Κρόνου πυγή, id est Saturni culus, de carnibus vetulis jamque mancis et sensu vacantibus. Quicquid enim putre jam et effetum intelligi volebant, olim id Saturnium vocabant. Meminit Diogenianus nec tamen explicat. Suidas et Hesychius admonent ita dictam carnem ob vetustatem stupidam ac sensus expertem a Saturno deo, qui multa proverbia nobis dedit. Ad animum translatum nonnihil habebit gratiae.