Ἀρκάδιον βλάστημα, id est Arcadicum germen, de grandibus et ignavis dici solitum. Juvenalis : Quod laeva in parte mamillae / Nil salit Arcadico juveni. Arcades olim male audierunt ob stuporem ingenii. De quorum immanitate multa Athenaeus libro 14. Qui primi musicam omnem in civitatem recipere noluerunt nec ullas liberales disciplinas, quarum cultu mansuescunt hominum ingenia. Unde et coeli vitio et neglectu disciplinarum in summam morum immanitatem efferati sunt. Lucianus in libello De astrologia tradit Arcades ob eam causam stupidos habitos, quod caeteris omnibus amplectentibus astrologiam soli contempserint seseque fecerint antiquiores ipsa luna. Unde et προσεληναῖοι dicti. Iidem epigrammatum jocis notati sunt ut βαλανοφάγοι, id est glandibus victitantes. Nam is priscorum hominum cibus erat nondum repertis frugibus. Epigramma sic habet :
Aristophanes in Avibus variis titulis irridet eos, qui jactant antiquitatem suam :Πολλοὶ ἐν Ἀρκαδίᾳ βαλανοφάγοι ἄνδρες ἔασιν,
Multi in Arcadia sunt, quis alimonia glandes.
id est Antiquiores et Crono et Titanibus fuistis.Καὶ τοῦ Διὸς αὐτοῦ
Ἀρχαιότεροι πρότεροί τε Κρόνου καὶ Τιτάνων ἐγένεσθε,