Ἀπὸ καταδυομένης, id est A subeunte, subaudi `nave lucrum capias'. Admonet adagium celeritatem ad quaestum plurimum valere et in negotiatorem illud in primis competere : Ὕπνος ἀπέστω, id est Somnus abesto. Sumptum a mercatorum diligentia, qui merces statim emunt ab ipsis nautis in portum appellentibus. Tum enim et minoris emuntur et majori distrahuntur lucro. Trahi poterit ad eam sententiam, ut si quis dicat statim arripiendam oblatam occasionem lucri aut tum rogandum quempiam, ubi fortuna recentem aliquam commoditatem objecerit ; nam sumus plerique tum ad gratificandum benigniores. Persius in quinta satyra metaphoram variavit, cum ait :
Id est ilico, cum adhuc de via sitit camelus, qui merces attulit. Proverbii meminit Suidas.Tolle recens primus piper e sitiente camelo.