I. 3. Muneribus vel dii capiuntur. xviii

Quod scripsit Ovidius :

Munera, crede mihi, capiunt hominesque deosque.

Placatur donis Juppiter ipse datis.

Euripides in Medea vulgi sermone fuisse celebratum ostendit, cum ait :

Πείθειν δῶρα καὶ θεοὺς λόγος·

Χρυσὸς δὲ κρείσσων μυρίων λόγων βροτοῖς,

id est

Donis vel ipsos dictitant flecti deos ;

Certe inter homines mille dictis luteum

Praepollet aurum prorsus ac praeponderat.

Celebratur et hic versiculus, quem etiam usurpavit Plato libro tertio Politiae :

Δῶρα θεοὺς πείθει καὶ αἰδοίους βασιλῆας,

id est

Cum divis flectunt venerandos munera reges.

Unde Seneca philosophi cujusdam apophthegma referens ait omnium esse dulcissimum accipere.

Index Adagiorum