Quod est apud Terentium in Phormione : Solus est homo amico amicus, Donatus indicat esse paroemiam atque ita legi apud Apollodorum, cujus utique Phormio Graeca est : Μόνος ἐπίσταται φιλεῖν τοὺς φίλους, id est, Solus novit diligere amicos. Aristophanes apud Athenaeum :
id estἈλλ᾿ οὐδὲν μέλει
Τῶν σκωμμάτων μοι· τῶν φίλων γὰρ ὢν φίλος
Ἔργοισι χρηστός, οὐ λόγοις ἔφυν μόνον,
Ipsa figura proverbium prae se fert, quemadmodum initio demonstravimus. Quadrabit in eos, qui nullum officium refugiunt, modo gratum faciant amicis. Huic affine videtur illud Euripidis in Medea :At nil moror dicteria ;
Amico amicus cum siem, factis neque
Verbis modo prodesse propositum mihi,
Sed re simul factisque.
id estΒαρεῖαν ἐχθροῖς καὶ φίλοισιν εὐμενῆ,
Theocritus in Aita :Benevolam amicis, rursus asperam hostibus.
id estἈλλήλους δ᾿ ἐφίλησαν ἴσῳ ζυγῷ· ἦ ῥα τότ᾿ ἦσαν
Χρύσειοι πάλαι ἄνδρες, ὅκ᾿ ἀντεφίλησ᾿ ὁ φιληθείς,
Aristoteles apud Laertium crebro solitus est dicere, ᾧ φίλοι, φίλος οὐδείς, significans veram amicitiam interisse inter mortales.Par amor ambobus, mortales aurei olim
Vivebant, tum cum redamabat amatus amantem.