Φικιδίζειν, id est Phicidissare, dicebantur vulgo puerorum obscenis amoribus dediti. Quidam malunt ad eos referre, qui litera ρ immodice et ad fastidium usque consueverint uti. Siquidem ea gens literam σ solita est in ρ commutare. Quo quidem vitio notantur et Eretrienses, attestante proverbio Ἐρετριέων ρ, id est Eretriensium rho. Hodie jocus est vulgi in Picardos, cum Lutetianae feminae ob linguae delicias ρ vertunt in σ, Masia sonantes pro Maria.