Κηροῦ εὐπλαστότερος, id est Cera tractabilior. De vehementer docili dicebatur, aut de ingenio facili tractabilique et in quemvis habitum sequaci. Horatius :
Persius quinta satura :Cereus in vitium flecti, monitoribus asper.
Rursum Horatius : Argilla quidvis imitabitur uda. Est autem hoc cerae peculiare, ut manibus contrectata mollescat. Et hinc variae rerum formae solent effingi. Erat et picturae genus e ceris coloratis, quemadmodum e tessellis lapidum ac lignorum. Quanquam rudis aetas similior est argillae quam cerae : primo quidem fingi potest dum tenera est, verum ubi duruit ingenium, non facile refingitur in aliam speciem sed, quemadmodum dixit Plato libro De republica IV, κινδυνεύει γοῦν ἐκ τῆς παιδείας ὅποι ἄν τις ὁρμήσῃ, τοιαῦτα καὶ τὰ ἑπόμενα εἶναι, id est Periculum est, ne ad quaecumque se quis appulerit a pueritia, talia sint et quae sequuntur.Artificemque tuo ducit sub pollice vultum.