Τῶν φιλούντων ὀργαί, id est Amantium irae. Ubi qui non ex animo indignantur invicem, aut de iracundia neutiquam duratura. Terentius in Andria :
Et juxta Graecam sententiam :Amantium irae amoris redintegratio est.
id estὈργὴ φιλούντων μικρὸν ἰσχύει χρόνον,
Atque hujusmodi dissidiola quae nonnunquam incidunt inter amicos, modo absit amaritudo, quasi renovant amicitiam excusso diuturnae consuetudinis taedio. Quod eleganter indicat et mimus ille, ni fallor, Publianus :Pusillo amantum durat ira tempore.
Discordia fit carior concordia.