M. Tullius libro Epistolarum ad Atticum septimo : Obsecro μήτε δίκην, praesertim in te a quo nihil unquam vidi temere fieri. Notavit Cicero carmen proverbiale, quod citatur cum ab aliis multis, tum a Luciano libello De calumnia.
id estΜήτε δίκην δικάσῃς, πρὶν ἀμφοῖν μῦθον ἀκούσῃς,
Nonnulli tribuunt Hesiodo, sed falso. Unde Tullius ψευδησιόδειον appellat, cum sit Phocylidis. Admonet autem non temere pronuntiandum de quopiam nisi re ultro citroque diligenter cognita. Citatur et apud Aristophanem in Vespis :Ne judex fueris, parteis ni audiveris ambas.
Sapiens fuit is quisquis dixit :Ἦ που σοφὸς ἦν, ὅστις ἔφασκε·
Πρὶν ἂν ἀμφοῖν μῦθον ἀκούσῃς,
Οὐκ ἂν δικάσαις, id est
Eandem sententiam sic extulit Euripides in Heraclidis :Prius ac partem audieris utranque
Ne judicem agas.
id estΤίς ἂν δίκην κρίνοιεν ἢ γνοίη λόγον,
Πρὶν ἂν παρ᾿ ἀμφοῖν μῦθον ἐκμάθῃ σαφῇ;
Allusit huc Seneca in Medea :De lite quinam judices aut qui queas
Pernosse rem, prius atque partem audiveris
Utramque ?
Fertur inter Graecanicas sententias et hic senarius :Qui statuit aliquid parte inaudita altera,
Aequum licet statuerit, haud aequus fuit.
id estἈνεξέταστον μὴ κόλαζε μηδένα,
Ne quempiam punito, rem ni expenderis.