Ἀλλοτρίαν ἄρουραν ἀροῦν, id est Alienum arvum arare. Proverbiali metaphora dictum est pro eo quod est alienum agere negotium, aut cum alienis uxoribus habere rem. Theognis in Sententiis :
id estἘχθαίρω δὲ γυναῖκα περίδρομον, ἄνδρα δὲ μάργον,
Ὃς τὴν ἀλλοτρίην βούλετ᾿ ἄρουραν ἀροῦν,
Plautus item de marito adultero : Fundum alienum arat, suum incultum deserit. Huic similis color est apud jureconsultos : Alienos irrigare agros tuis sitientibus. Codex De servitutibus et aqua, capitulo Praeses : Durum est et crudelitati proximum ex tuis praediis aquae agmen ortum sitientibus agris tuis ad aliorum usum vicinorum injuria propagari.Est invisa mihi mulier vaga inersque maritus,
Alterius fundum quisquis arare cupit.