Quintilianus libro undecimo : Est enim quaedam ad auditum accommodata non magnitudine, sed proprietate ad hoc velut tractabilis, utique habens omneis in se qui desiderantur sonos intentionesque, et toto, ut aiunt, organo instructa. Hactenus ille. Proinde toto organo instructa recte dixeris quae numeris omnibus constant et undique quadrant. Sumptum et hoc a musicorum instrumentis.