Quintilianus libro undecimo : Et his diversa vox et poene extra organum, cui Graeci nomen amaritudinis dederunt, supra modum ac poene naturam vocis humanae acerba. Extra organum dicetur quod immodicum est et extra vulgarem mensuram. Veluti si quis leges Platonis hujus aetatis civibus proponeret. Ductum est ab organo musico, quod intra vicesimam vocem consistit. Conveniet item in vehementer clamosum.