Κώνωπα ἐλέφαντι παραβάλλειν, id est Culicem elephanti conferre, dicuntur qui minima maximis comparant. Libanius ad Casilum : Τὸ δὲ ἐμὸν τοιοῦτον οἷον κώνωψ ἐλέφαντι παραβαλλόμενος, id est Ego vero perinde sum quasi culex cum elephante collatus. Hujus generis est et Vergilianum illud :
Et : Si parva licet componere magnis.Sic canibus catulos similes, sic matribus haedos
Noram, sic parvis componere magna solebam.