Ἀλεκτρυόνων μέμφεσθαι κοιλίαν, id est Gallorum incusare ventrem. De edacibus ac luxu multum absumentibus facultatum. Huic enim animanti venter mirifice calidus, ita ut omnia statim concoquat. Aristophanes in Vespis :
id estἈλεκτρυόνος μ᾿ ἔφασκε κοιλίαν ἔχειν·
Ταχὺ γὰρ καταπέψει τἀργύριον,
Hoc genus homines Graeci dicunt καταπιεῖν τὴν οὐσίαν, id est devorare substantiam ; id enim est atrocius quam καταφαγεῖν. Summam autem profusionem ac celerrimam indicant verbo ἀφανίζειν, id est sic absumere, ut nusquam appareat vestigium. Utitur his omnibus, sed postremo frequentissime Aeschines in Timarchum : Πάντ᾿ ἠφάνισεν.Mihi dixerat ventrem esse gallinacei ;
Velociter enim concoquet hoc argentulum.