Ἐν τῇ ζύμῃ κεῖσθαι, id est In fermento jacere, dicebantur qui animo essent aegro quique iracundia turgerent. Plautus in Mercatore : Uxor tota in fermento jacet, pro eo, quod est intumescit ira. Idem in Casina :
Nota translatio ; fermentum enim et acorem habet et tumorem. Unde et in divinis literis fermentum malitiae rancorisque significationem habet.Nunc in fermento tota est, ita turget mihi.