Ἀρχὴ πολέμου, id est Origo belli. Ubi quis prior lacessit injuria seu convicio. Sumptum videtur ab historiographis, quibus mos est primum causas exponere, quibus bellum coeptum fuerit. Huc allusit Lucianus, cum ait in Pseudomante : Καὶ κατὰ τὸν Θουκυδίδην ἄρχεται ὁ πόλεμος ἐνθένδε ἤδη, id est Et quemadmodum ait Thucydides, hinc jam bellum oritur. Unde ἀπόλεμος laedere dicitur qui nulla lacessitus injuria simultatem exercet.