Ἄκων μὲν ὁ Ζεὺς οἶδεν, id est Invitus quidem Jupiter novit. Ubi quis pollicetur quippiam, sed invitus. In quibusdam codicibus lego Ἄκων μὲν ὁ Ζεὺς οἶδεν, id est Invitus tanquam Jupiter cognovit. Mihi videtur et recte quadraturum, ubi serius poenas dant nocentes, ut affine sit ei, quod alibi referimus : Ζεὺς κατεῖδε χρόνιος εἰς τὰς διφθέρας. Etenim qui sero dat aut punit, gravatim id facere videtur.