II. 10. His Medus non insidiabitur. lxvii

Τάδε Μῆδος οὐ φυλάξει, id est Haec Medus non observabit. Cum Xerxes exercitum in Graeciam traducere pararet, ut auctor est apud Zenodotum Dicaearchus, Graeci desperatis rebus facultates suas absumpserunt, ne multum reliquum fieret, quod hostis tolleret, ita dicentes : Haec Medus non observabit. Eaque vox in adagium abiit, ubi quis largius impenderet sua, ne venirent in aliorum manus. Veluti si quis pecunias suas erogaret amicis, ut eas liberis turpiter absumpturis subducat, recte dixerit : Ταῦτα Μῆδος οὐ φυλάξει. Aut si civis opulentus pecunias extruendis aedificiis absumat, ne his insidietur avarus princeps et omnium fortunis imminens.

Index Adagiorum