Λάθε βιώσας, id est Falle vivens. Admonet adagium in humili fortuna vitam esse feliciorem iis, qui obscure vivunt et a publicis negotiis ita semoti, ut cum vita decessissent, nemo illos vixisse sentiret. Nam Λάθε βιώσας ad verbum commode non potest reddi, verum hanc habet sententiam, quasi dicas : Nemo te sentiat in vita fuisse. De hoc adagio, recte dictum sit necne, Plutarchus commentarium conscripsit, si modo non fallit inscriptio ; nam cum verteremus, phrasis ipsa nonnihil reclamare titulo videbatur. Allusit ad id Horatius :
id est quem nemo sensit nec prodeuntem in hanc vitam nec excedentem e vita. Allusit huc, ni fallor, Ovidius in libris Tristium :Nec vixit male qui natus moriensque fefellit,
Recensetur apud Suidam proverbii nomine.Crede mihi, bene qui latuit, bene vixit, et intra
Fortunam debet quisque manere suam.