Πτωχῶν οὐλαὶ ἀεὶ κεναί, id est Mendicantium sacculi semper inanes. De petacibus dictum et insatiabilibus ; cognatum ei, quod alio redditum est loco : Πτωχοῦ πήρα οὐ πίπλαται, id est Mendici pera non impletur. Utrumque refert Suidas, quanquamοὐλάς pro peris non invenio, sed οὐλάδας invenio pro vasis farinariis, tametsi et ventres interdum eo verbo signifìcantur ob molliciem.