II. 9. Nunc bene navigavi, cum naufragium feci. lxxviii

Νῦν εὖ πεπλόηκα, ὅτε νεναυάγηκα, id est Nunc bene navigavi, postea quam naufragium feci. Quoties id, quod videtur incommodum, fortuna praeter spem vertit in bonum. Zenon Citiensis, qui relictis prioribus praeceptoribus Cratetis auditor esse coepit, naufragio ejectus dixisse legitur : Εὖ γε ποιεῖ ἡ τύχη προσελαύνουσα ἡμᾶς φιλοσοφίᾳ, id est Bene facit fortuna, cum nos ad philosophiam admovet. Auctor Suidas. Plutarchus in libello De utilitate capienda ex inimico meminit hujus proverbii.

Index Adagiorum