II. 9. Omnia similia. lviii

Ἅπανθ᾿ ὅμοια, καὶ Ῥοδῶπις ἡ καλή, id est

Similia cuncta, Rhodopis ipsa etiam decens.

Eadem est conditio mortalium, formosi pariter ac deformes senescunt ac moriuntur. Rhodopis nomen est puellae cujuspiam formae celebris, cui nomen a roseo aspectu videtur inditum. De Rhodope meretricula multa Herodotus libro II, nonnulla Plinius libro XXXVI, capite XII. Cum Graecum carmen habeat Ῥοδῶπις, mirum cur Juvenalis corripuerit : Dum Rhodopes uda terit inguina barba. Refertur a Suida proberbiali loco.

Index Adagiorum