Paroemias speciem prae se gerit illud Horatianum in Sermonibus :
Dicendum vel in duos aliquos diversis laborantes vitiis vel in eundem sui dissimilem, nempe modo loquaciorem quam sat sit, modo impendio taciturnum, interdum pueriliter ineptum, interdum Catone severiorem, nonnunquam profusum, nonnumuam sordidum. Siquidem ut vitio dandum, si quis hircum oleat, ita adaeque vituperandum, si quis oleat ungenta ; nam pastilli pilulae sunt unguentariae. Alterum spurci est, alterum mollis.Pastillos Rufillus olet, Gorgonius hircum.