Περὶ πόδα, id est Juxta pedem. Quod appositum et vehementer accommodatum, id περὶ πόδα dicebatur, sumpta metaphora a calciamentis probe ad pedis mensuram quadrantibus. Unde celebratur et illud Pauli Aemilii apophthegma novum calceum ostendentis : Vos, inquit, videtis bellum ac novum esse calceum, verum qua parte pedem torqueat meum, id ego demum sentio, significans Papyriam uxorem non esse suis accommodatam moribus. Suidas Platonem citat, poetam opinor :
id estὩς ἐστί μοι τὸ χρῆμα τοῦτο περὶ πόδα,
Ut hoc meo negotium quadrat pedi.