II. 9. Sero venisti, sed in Colonum ito. xvii

Ὄψ᾿ ἦλθες, ἀλλά γ᾿ εἰς Κολωνὸν ἵεσο, id est

Serus ades, ast Colonon hinc te conferas.

Jocus proverbialis adversus eos, qui post tempus advenirent aut qui mercede quippiam facerent. Porro Colonus est terra aeditior in speciem tumuli seu collis. Hujusmodi duo erant Athenis alter juxta Neptuni templum, in quem equites conveniebant, alter juxta templum Vulcani, qui a foro seu mercatu dictus est ἀγοραῖος. Hinc Colonetae dicti qui mercede conducerentur, quod illic consisterent qui conductorem quaerebant. Hujus modi ferme Suidas.