Χθόνια λουτρά, id est Terrestria sive inferorum balnea. Dictum videtur (nam conjectandum est), ubi quid sero jam adhibetur, nulli futurum usui ei, cui exhibetur, veluti si quis tum reo patrocinetur, postquam pronuntiata fuerit irrevocabilis judicum sententia. Mos olim fuit defunctis ad sepulcrum balnea quaedam inferre. Cadavera item sepulturae danda prius lavabantur. Unde Ennius :
Fit et nostra tempestate, fortassis ex prisca relictum consuetudine, ut defunctorum monumentis aquam inspergant consecratam, praesertim apud Germanos, hujus rei praeter caeteros benignos.Tarquinii corpus bona femina lavit et unxit.