Amor ex aspectu
, id est :Ἐκ τοῦ εἰσορᾶν γὰρ γίγνεται ἀνθρώποις ἐρᾶν
Senarius proverbialis admonens oculos amorem potissimum conciliare. Non enim amatur incognitum, ex convictu nascitur amor mutuus. Et oculi praecipue sunt ad amandum illices. In his enim peculiaris animi sedes. Et in his aiunt poetae Cupidinem excubantem sua jacula mittere. Maro velut indicavit adagium cum ait :Amor ex videndo nascitur mortalibus.
Rursum in Georgicis : Uritque vidende / Femina. Item apud Terentium Chaerea visa dumtaxat virgine, quam impotenter coepit ardere. Juvenalis prodigii loco refert de caeco amante :Ut vidi, ut perii, ut me malus abstulit error.
Legimus, philosophos quosdam, et inter hos Democritum, sibimet oculos ademisse, tanquam omnium malarum cupiditatum auctores. Quapropter piorum hominum est meminisse, haudquaquam esse tutum videre, quod non licet concupiscere. Proverbii meminit Diogenianus.Qui nunquam visae flagrabat amore puellae.