Adagiorum Chiliades

I. 2.Ex uno omnia specta.lxxviii

Ἐξ ἑνὸς τὰ πάνθ᾿ ὅρα, id est Ex uno omnia specta. Vergilius item :

Et crimine ab uno/ Disce omneis.

[Aen., II, 65] Admonet adagium ex unius eventus experimento, reliquorum similium coniecturam oportere facere. Refertur a Suida. [Lex., 1630] Tametsi is ostendit in eos dictum, qui perperam ex uno quopiam aestimant omnia. Legit enim non ὅρα, sed ὁρᾷ. Veluti si quis unum Gallum expertus perfidum judicaret omneis esse tales.