II. 8Eadem cera.lvii
Ἓν κηρίον, id est Idem favus, dicebantur qui uno ore idem affirmarent aut qui inter se conspirassent. Ductum a favorum cellulis inter se connexis, sive quod cera tenax sibique haerens, sive quod olim in ceratis tabellis scribebant, unde et Horatius : Charta laudatur eadem, [Serm., I, 10, 4] sive quod olim imagines e cera fingebantur, varia quidem forma, nunc deorum nunc regum nunc plebeiorum, sed haec omnia erant cera. Refert Zenodotus. [Coll.] Non dissimile illi, quod alio diximus loco : Idem pulvis et eadem farina.