Κόμπος Μάξιμος, id est, Fastuosus Maximus. In eum dicebatur, qui sibi plus satis arrogasset in sapientia. Sumptum a moribus Maximi cujuspiam arrogantis, et sibi immodice placentis. In nonnullis exemplaribus invenio κομπᾶς Μάξιμος. Graecis κόμπος arrogantiam insolentiamque significat, unde κομπεῖν καὶ κομπάζειν. Proinde et Euripides : Γλώσσης τε κόμποι, id est Linguaeque fastus. Recensetur et hoc in Diogeniani collectaneis.