capiet, praeterea nihil
id estἉ φιλοχρηματία Σπάρταν ἕλοι, ἄλλο δὲ οὐδέν,
De iis, qui sola pecunia possunt expugnari, alioquin invicti. Natum adagium ab oraculo, quo responsum est Alcameni et Theopompo Spartae regibus tum demum vincendos esse Lacedaemonios, cum aurum et argentum in precio coeperint habere. Respondet apophthegmati Philippi Macedonum regis, qui putavit nullam arcem tam munitam esse, quin capi posset, modo asino pateret accessus onusto auro. Respondet et Danaes fabulae, a qua nulla custodia auri insultum arcere potuit. Meminit M. Tullius in secundo libro Officiorum et Plutarchus in Laconicis.Una fames auri Spartam capiet subigetque,
Praeterea nihil.