Παρὼν ἀποδημεῖ, id est Praesens peregrinatur. In eum dicendum, qui non animadvertit ea quae dicuntur, cogitatione aliis in rebus occupata. Unde quos jubemus attentos esse, iis sic loqui solemus : Hic estote et Hoc agite et Adeste animis, hodieque vulgo dicunt cogitatione peregrinantem domi non esse, sed foris. Terentius in Eunucho :
id est corpore quidem praesens, caeterum animo semota. Contra qui amant, absentes praesentes sunt, veluti de Didone Vergilius in quarto : Absens absentem auditque videtque. Theodoritus Cyrenensis Therapeutices libro primo ex Heraclito Ephesio adducit : Ἀξύνετοι ἀκούσαντες κωφοῖς ἐοίκασι· φάτις αὐτοῖσι μαρτυρεῖ παρεόντας ἀπεῖναι, id est Stolidi, cum audierint, surdis sunt adsimiles ; testatur proverbium illos praesentes abesse. Item Aristophanes in Equitibus :Cum isto milite praesens absens ut sies,
id estΠρός τε τὸν λέγοντ᾿ ἀεὶ
Κέχηνας, ὁ νοῦς δέ σου παρὼν ἀποδημεῖ,
Animus peregre est, mensque tua praesens abest.Tu semper inhias ad loquentes, caeterum