Ἀγαθοὶ δ᾿ ἀριδάκρυες ἄνδρες, id est
De iis dicebatur, qui facile commoverentur ad misericordiam ac precibus flecterentur ; nam illacrimare dicuntur qui miserescunt. Ovidius : Quibus possint illacrimasse ferae. Proinde Horatius Plutonem, quod nullis flectatur precibus, illacrimabilem appellat :At quisquis probus, is multum lacrimabilis est vir.
Et Dido Vergiliana Aeneae duritiem incusans :Non si trecenis, quotquot eunt dies,
Amice, places illacrimabilem
Plutona tauris.
Potest et ad Heraclitum referri res humanas perpetuo fletu prosequi solitum. Contra duros et inexorabiles adamantinos, ferreos et corneis fibris dicimus. Licebit et huc detorquere, quod boni fere cum paupertate rem habent multaque coguntur perpeti. Adagium recensetur a Zenodoto.Num fletu ingemuit nostro ? Num lumina flexit ?
Num lacrimas victus dedit aut miseratus amantem est ?