II. 7. Crobyli jugum. li

Κροβύλου ζεῦγος, id est Crobyli jugum. De societate duorum pari improbitate dici consuevit, ut de quibus est in Epigrammatis Martialis, libro octavo :

Uxor pessima, pessimus maritus,

Miror non bene convenire vobis.

Ductum proverbium a Crobylo, lenone quodam omnium scelestissimo. Is duo scorta domi alebat, quorum lenociniis quam plurimos adulescentes in perniciem illiciebat nec his contentus eosdem illectos furto compilabat. Unde Crobyli jugum dictum, vel quod digni viderentur, qui tanquam pares improbitate cum hoc copulari deberent, vel quod jugum, id est par, scortorum aleret domi.

Index Adagiorum