II. 7. Cercopissare. xxxvii

Κερκωπίζειν, id est Cercopissare, dicuntur vel qui lasciviunt aut qui adulantur, metaphora ducta ab animantibus, quae mota cauda adblandiuntur, ut Chrysippo placet Suida teste, vel qui molesti sunt obturbantque et obstrepunt, ut vox deflexa sit a Cercopibus illis Lydiis, quos Hercules, quod sibi cum Omphale cubanti petulantius obturbarent, amicae jussu vinctos de clava suspendit, quemadmodum retulimus in adagio Ne in Melampygum incidas.

Index Adagiorum