II. 7. Philippi gallus. xxix

Φιλίππου ἀλεκτρυών, id est Philippi gallus. Hoc dictitari consuevit, ubi quis de levi quopiam facinore perinde ut maximo sese jactaret. Nam Alectryon dux quidam erat Philippi regis, quem Chares Atheniensis confecerit. Apparet autem Charetem hunc hujus facti nimium crebro nimisque insolenter apud populum Atheniensium verba facere solere, ut hinc vulgo sit usurpatum. Recensetur apud Zenodotum.

Index Adagiorum