Λυδὸς καπηλεύει, id est Lydus cauponatur. In effeminatos et voluptatibus addictos jaciebatur. Ex hujusmodi natum historia tradunt : Cyrus rex devictis Lydis imperavit ex consilio Croesi, ut cauponiam exercerent neque tractarent arma, sed veste ad terram usque demissa uterentur, quae olim mollitiem indicabat, ut ad eum modum veluti in feminas transformati ad rebellionem fierent inutiles. Herodotus libro primo tradit Lydos primos omnium caupones et institores extitisse. Hesychius tradit ab his inventa spectacula et hinc Romanos dixisse ludos, καπηλεύειν Graecis proprie dici qui vendunt esculenta. Proverbium sapiunt et illa, quae refert Suidas, λυδιάζω seu λυδίζω pro eo quod est Lydorum more vivo. Refertur a Suida.