Εἰς θεῶν ὦτα ἦλθεν, id est Ad deorum aures pervenit. Ubi facinus aliquod clanculum patratum resciscitur ab iis qui possunt vel remunerari recte factum vel punire secus admissum. Sic enim imaginantur poetae, quae recte secusve gerantur in terris, ea per Mercurium explorata referri Jovi. Is deinde concilio deorum convocato de poena statuit. Est illud etiam nunc sollemne in principum et pontificum literis : Ad nostras aures pervenit. Paulo diversius pastor ille Vergilianus :
De rebus egregiis quasque deorum auribus dignas judices. Itidem Horatius : Et Jovis auribus ista / Servas.Et quoties et quae nobis Galatea locuta est,
Partem aliquam, venti, divum referatis ad aures.