Τὸ αὐτὸ ᾄδεις ᾆσμα, id est Cantilenam eandem canis, de eo, qui molestus est saepius eadem inculcans. Nihil enim odiosius, quam quod semper idem est. Dorio leno in Phormione Terentiana : Cantilenam eandem canis, et Mirabar si quid adferres novi. Familiare poetis est nuntium cantilenam appellare. Euripides in Ione :
id estΤίς ἥδε Μοῦσα ; χὠ φόβος τίνων πέρι;
Idem in Hecuba :Quae cantio haec, quibusve de rebus metus ?
id estἭξει τι μέλος γοερὸν γοεραῖς,
Sumptum est a cantoribus, qui si quando diutius eandem occinant cantionem, taedium adferunt auribus ; proinde periti subinde variant carminis genus, quo satietatem devitent.Aliqua accedet cantio tristis
Tristibus.