Exstat apud M. Tullium proverbialis allegoria Talaria induere pro eo, quod est : fugam adornare quasique velle quopiam avolare. Sic enim scribit ad Atticum libro decimoquarto : Nemo est istorum qui otium non timeat. Quare talaria induamus. Sumptum ab Homero, qui Mercurium avolaturum aliquo frequenter adornat talaribus
id estΑὐτίκ᾿ ἔπειθ᾿ ὑπὸ ποσσὶν ἐδήσατο καλὰ πέδιλα,
Ἀμβρόσια, χρύσεια, τά μιν φέρον ἠμὲν ἐφ᾿ ὑγρὴν
Ἠδ᾿ ἐπ᾿ ἀπείρονα γαῖαν ἅμα πνοιῇς ἀνέμοιο,
Quem Homeri locum Vergilius veluti interpretans in quarto AeneidosMox ubi jam pedibus talaria subdidit aurea
Pulchraque et ambrosiam spirantia, quae simul illum
Aera per liquidum, simul ampla per aequora vastae
Telluris venti flatu comitante ferebant.
Itaque talaria induere dicemus eos, qui parant aufugere. Nam hoc ipsum avolare et revolare apud M. Tullium pro fugere et redire frequens est.Et primum, inquit, pedibus talaria nectit
Aurea, quae sublimem alis sive aequora supra
Seu terram rapido pariter cum flamine portant.