II. 4Ne sis patruus mihi. Sapere patruos.xxxix
Patruorum in nepotes ceu peculiaris genuinaque severitas proverbio locum dedit. Horatius in Odis :
[Carm., III, 12, 3] Patruam linguam vocat severam et objurgatricem. M. Tullius adversus Herennium : Fuit in hac causa quidem patruus, censor, magister. Objurgavit M. Caelium sic, ut neminem unquam parens. [Her.] Horatius : Sive ego prave, seu recte hoc volui, ne sis patruus mihi, id est ne me castiges. [Serm., II, 3, 88] Ad hanc formam pertinet illud Persianum : Cum sapimus patruos, id est postquam abjectis puerilibus nugamentis severos mores induimus. [Sat.] Idem Horatium aemulatus, ut solet, dixit : Ne sis mihi tutor, id est ne mihi praescribas atque imperes. [Sat.]Metuentis patruae verbera linguae.