Huic non dissimile est Horatianum illud :
Proinde recte monet Fabius, ut statim optima discantur, propterea quod nihil haeret tenacius quam id, quod rudibus annis perceperimus. Et Aristoteles libro Moralium Nicomachiorum secundo : Οὐ μικρὸν οὖν διαφέρει τὸ οὕτως ἢ οὕτως εὐθὺς ἐκ νέων ἐθίζεσθαι, ἀλλὰ πάμπολυ, μᾶλλον δὲ τὸ πᾶν, id est Itaque non parvi refert, hoc an illo pacto protinus a pueris consuefiamus, immo plurimum interest, vel potius omne in eo momentum est situm. Et Vergilianum illud ἐπιφώνημα in Georgicis : Adeo in teneris consuescere multum est.Quo semel est imbuta recens, servavit odorem
Testa diu.