II. 4. Utramque paginam facit. xv

Plinius Historiae mundi libro secundo, capite septimo de fortuna loquens : Huic, inquit, omnis expensa, huic omnia feruntur accepta et in tota ratione mortalium sola utramque paginam facit. Proverbii faciem habet illud utramque paginam facit, sumpta metaphora a codicillis rationalibus, duas habentibus paginas : alteram, quae indicat, quid sit datum, alteram, quae, quid acceptum sit, ostendit. Itaque in rebus humanis fortuna utramque facit paginam, id est sive quid obtigit boni, ea laudatur, quasi dederit, sive mali quid accidit, eadem incessitur ceu malorum auctor.

Index Adagiorum