I. 1Duabus ancoris fultus.xiii
Ἐπὶ δυοῖν ὁρμεῖ, id est Duabus nixus in portu sedet, subaudiendum ancoris. De firmis et immotis et qui rem suam probe constabilierunt. Ductum a navibus intra portum tuto manentibus a prora simul et a puppi projectis ancoris. Meminit Aristides in Panathenaicis. Ab eadem metaphora ductum est, quod adversus Ctesiphontem dixit Demosthenes : Οὐκ ἐπὶ τῆς αὐτῆς ὁρμεῖ τοῖς πολλοῖς [Cor., 12, 281] subaudiendum ἀγκύρας, id est Haud eadem ancora nixus est, qua vulgus hominum.