Vulgo circumfertur adagium Multis manibus onus reddi levius, quo significant, etiam difficilia facile confici, si quis non ipse solus negotium aggrediatur, sed in plures adjutores et auxiliares partiatur. Sumptum est a tollendis oneribus. Videtur autem ea sententia ab ipsa usque antiquitate in nostram aetatem demanasse. Legimus enim apud Hesiodum in opere, cui titulus Ἔργα καὶ ἡμέραι : Πλείων καὶ πλεόνων μελέτη, id est Plus potest et plurium industria. Item Homerus Iliados M :
id estἈλλ᾿ ἐφομαρτεῖτον· πλεόνων δέ τοι ἔργον ἄμεινων,
Ad hoc respexit Euripides in Phoenissis :Adsitis, comites, multorum industria nanque
Plus pollet quam paucorum.
id estΕἷς δ᾿ ἀνὴρ οὐ πάνθ᾿ ὁρᾷ,
Rursum in Heraclidis :Vir unus autem nemo cuncta despicit.
id estΜιᾶς γὰρ ἀσθενὴς μάχη,
Eodem pertinet, quod alibi retulimus : Εἷς ἀνὴρ οὐδεὶς ἀνήρ, id est Unus vir, nullus vir.Invalida pugna est unicae tantum manus.