Proverbiali figura dixit Theognis :
id estΟὔτε γὰρ ἐκ σκίλλης ῥόδα φύεται, οὔθ᾿ ὑάκινθος,
Οὐδέ ποτ᾿ ἐκ δούλης τέκνον ἐλευθέριον,
Admonet adagium e probis parentibus nasci liberos probos, ex improbis improbos. Simili forma dixit Horatius in Odis :Non etenim e squilla rosa nascitur aut hyacinthus,
Sed neque ab ancilla filius ingenuus.
Venustius erit, si ad indocti doctoris indoctum discipulum referatur, ad improbi nutricii improbum alumnum. Pertinet adagium ad illam classem : Κακοῦ κόρακος κακὸν ὠόν, id est Mali corvi malum ovum, et :Neque imbellem feroces
Progenerant aquilae columbam.
id estΟὐκ ἂν γένοιτο χρηστὸς ἐκ κακοῦ πατρός,
Est autem scilla herbae genus non dissimilis aloe, de qua multa Plinius diversis locis.