II. 3Boeoticum ingenium.vii
Boetii apud antiquos male audierunt vulgo stoliditatis nomine, quemadmodum superius ostensum est. Unde, quidquid insulsum esset ac stultum, id Boeoticum dicebant. Lucianus in Jove tragoedo : Ἄγροικον τοῦτο εἴρηκας καὶ δεινῶς Βοιωτικόν, [Iup. trag.] id est Istud, quod dixisti, prorsus agreste est et vehementer Boeoticum. Invenitur et Βοιωτικὸς νοῦς, id est Boeoticum ingenium, pro stupido ac stolido. Horatius in Epistolis :
[Epist., II, 1, 244] Plutarchus, ipse Boeotus, cum aliis aliquot locis, tum in commentario De carnium esu scribit ab Atticis notatos Boeotos tanquam brutos et stupidos ac pingues, idque propter edacitatem, quemadmodum alibi meminimus, quod ea gens magis studuit exercendis corporibus quam animis excolendis. Unde teste Stephano quidam putaverunt nomen regioni inditum. Idem citat Ephorum, qui scripserit Athenienses rei nauticae fuisse studiosos, Thessalos equestris, Boeotos corporum exercitamentis, Cyrenaeos curribus valuisse, Lacedaemonios circa leges fuisse diligentes. [Ethn., Meineke p. 173 « Βοιωτία »]Boeotum in crasso jurares aere natum.