II. 2Temporis punctum.lxx
Στιγμὴ χρόνου, id est Punctum temporis. Simili figura dixit Terentius : Tum temporis ad hoc punctum mihi est, id est spacium brevissimum. [Phorm., 184] M. Tullius Philippica II : Attende paulisper cogitationemque sobrii hominis ad temporis punctum suscipe. [Phil., II, 31] Idem VIII : Opus ostendebat munitionemque legatis ; ne punctum quidem temporis, cum legati adessent, oppugnatio respiravit. [Phil., VIII, 20] Apud mathematicos enim punctum indivisibilis quaedam pars est lineae, cujus, ut inquit Euclides, pars nulla est. Plutarchus De pueris instituendis : Στιγμὴ χρόνου πᾶς ἐστιν ὁ βίος, [De liberis educandis] id est Temporis punctum est omnis vita.